Texto e composición musical conxunta arredor da gordofobia e a violencia estética que compoñen o EP Triloxía da graxa. Creamos estas tres cancións despois do convite de Andrea Nunes (poeta) e Leticia Citoula (activista) para participar no libro coral Razóns de Peso. Desbordamentos, desexos e outras incomodidades gordas. A obra procura romper os estereotipos e prexuízos contra as persoas gordas, denunciar as violencias ás cales son sometidas, ao tempo que empodera e contribúe á creación de comunidade e sentimento de pertenza coa reivindicación alegre.